Хрватската трговска и занаетчиска комора во соработка со Matrona Cons и EFFECTUS претприемачки студии организираа бесплатен вебинар за членовите на ХОК заинтересирани за извозни можности и можности за време на пандемија.

Вебинарот беше наменет за постоечките извозници кои сакаат повеќе информации, како и за оние кои само размислуваат за извоз на нивните производи или услуги и се одржа преку платформата ZOOM, 14 октомври 2021 година, со почеток во 14 часот.

На вебинарот беа опфатени теми како што се развој на бизнисот и потенцијал за раст на пазарот на ЕУ, бизнис преку прекугранична е-трговија и важноста од познавање на регулаторните услови за извоз.

За време на вебинарот, Тања Евросимовка, основачка на Matrona Cons, ја презентираше темата: Деловно вмрежување – клучот за успехот на пазарот на ЕУ за малите и средни претпријатија: како RGX може да помогне да се најдат нови клиенти.

Исто така, учесниците имаа можност да го слушнат искуството на Солана Нин, како пример за успешен бизнис влез на меѓународниот пазар.

Оваа соработка продолжува и во иднина, преку организирање бесплатни едукативни вебинари, за да им се помогне на компаниите членки на ХОК во нивната успешна интернационализација.

Предавачи на вебинарот:

  • Тања Евросимовска, Матрона консалтинг, специјалист за развој на бизнис за меѓународни пазари и меѓународна трговија
  • Силвија Картер, ToWebOrNotToWeb, специјалист за дигитален извоз и повеќеканални услуги
  • Сања Стамениќ Оштриќ, Солана Нин, менаџер за маркетинг и развој на бизнисот
  • Ведран Ќераниќ, EFFECTUS претприемачки студии – високообразовна институција, предавач
  • Модератор: Виолета Јелиќ

Вебинарот се одржа на хрватски јазик, повеќе инфо тука: https://www.hok.hr/novosti-iz-hok/prijavite-se-na-hok-ov-webinar-prilike-za-izvoz-u-vrijeme-pandemije