На 10 декември 2025 година, во просториите на Прогресив Академија во Виница, успешно се одржа Првата конференција за поттикнување на извозот, во организација на Export Academy by Matrona Cons и Progressive Academy. Настанот ги обедини претставниците на институциите, извозно ориентирани компании и експерти од различни индустрии, со заедничка цел, а тоа е унапредување на извозниот потенцијал на македонските компании.

Програмата на конференцијата опфати институционални презентации за достапната поддршка за извоз, панел-дискусии и споделување реални искуства од успешни извозници. Посебен фокус беше ставен на практичните аспекти на извозот, од подготовка и истражување на странски пазари, улогата на економската дипломатија и поддршката од амбасадите, до успешен настап на меѓународни саеми.

Посебна благодарност упатуваме до претставниците на македонските извозно ориентирани компании кои преку своите успешни приказни, научени лекции, предизвици и добри практики несебично го споделија своето искуство и знаење, придонесувајќи кон квалитетот и вредноста на Првата конференција за поттикнување на извозот.

Конференцијата заврши со интерактивна Q&A сесија и networking, при што беа поставени основи за нови соработки, размена на знаења и понатамошна поддршка на компаниите кои сакаат да направат чекор кон интернационализација и освојување нови пазари.

Горди сме што го поставивме темелот на заедница која заеднички придонесува кон создавање посилен, поконкурентен и поодржлив извозен сектор. Со уште поголема мотивација продолжуваме понатаму.